"Азаттыктын" Бишкек бюросунун видео-оператору. Бүбүсара Бейшеналиева атындагы Кыргыз мамлекеттик маданият жана искусство университетинин телекоммуникация факультетинин 5-курсунун студенти.
Ноокаттагы “Сахаба” стадиону жылына бир жолу кудум байыркы Римдеги Колизейге айланып, мында Фергана өрөөнүнүн балбандары күчүн сынашат. Бул күрөш жүздөгөн жылдардан бери өтүп, ушул жерден далай чемпиондордун далысы жерге тийип, далай жаңы ысымдар өрөөнгө таанылган.
Эл арасында “Жоогазын ыңкылабы” деген ат менен белгилүү 2005-жылдагы 24-март окуясына быйыл 20 жыл болду. Аскар Акаевдин бийлигин кулашына алып келген негизги себептер, эгемен Кыргызстандын тарыхындагы алгачкы элдик толкундоонун сабагы тууралуу сөз кылабыз.
“Азаттык” радиосу “Спорт: Кыйынчылыкты жеңген кыраандар” деген сынагына көрсөтүлгөн талапкерлер менен тааныштырууну улантат. Белгилүү улакчы Сейитбек Анарбек уулу былтыр бутунан оор жараат алгандан кийин машыктыруучулукка өттү.
Европа парламентинин Адам укуктары боюнча кичи комитетинин төрагасы Мунир Сатури «Азаттыкка» маек куруп, президент Садыр Жапаров менен жолугушууда көтөргөн маселелер, Кыргызстандагы адам укуктары, саясатчы-журналисттерди камоолор жана башка темалар жөнүндө ой бөлүштү.
Кыргызстан соңку жылдары улуттук көк бөрү оюнун эл аралык аренага алып чыгуу аракетин көрүп келүүдө.
Дүйшеев аталган чыгармада өзүнүн басып өткөн жолун баяндаган. Бирок адабиятчылар ар бир кыргыз “Агындылардан” өзүн табарын айтышат.
Нарын облусундагы Соң-Көлдө кышкысын бир метрден ашык муз тоңуп, ага барчу ашуулар жабылат. Бирок соңку жылдары кышкы Соң-Көлдү көргүсү келген туристтердин саны көбөйүп, алар ат менен эки-үч күн жол жүрүүгө даяр. “Азаттык” алар менен чогуу Соң-Көлгө чейин барып келди.
Садыр Жапаровдун президенттик кызматка киришкенине төрт жыл болду. Кыргыз бийлиги бул маалда өлкөнүн экономика өсүп, ири долбоорлор ишке ашып жатканын белгилейт. Ошол эле учурда сөз эркиндиги, жарандык эркиндик чектелгенин айтып, коңгуро каккандар бар.
Ырчы Аман Эсенбеков “Азаттыктын” студиясында жаңы жылдык ыр белек тартуулады. Жаш талант соңку убактарда “Арзуу”, “Кайыр кош”, “Эсиңдеби?” жана башка белгилүү ырларды аткарып, ыр сүйүүчүлөрүнүн көңүлүн буруп келе жатат. Ал кыргыз сахнасынан ордун таап, эл аралык сынактарда да өзүн сынагысы келет.
2024-жылы депутат Айгүл Айдарованын кесиптешине парламентте таарынычын айтканы, төрага Нурланбек Шакиевдин Гимнди өзгөртүүнү сунуштаганы, Акбөкөн Таштанбековдун жолдун сапаты үчүн мэрге ыраазычылык билдиргени, Марлен Маматалиевдин алтынчы балалуу болгусу келген ниети шакабага айланды.
Жыл башында кармалган мурдагы бажычы Райымбек Матраимов “бейбаштык” менен соттолуп, 200 млн доллар төгүп абактан чыкты.
2024-жыл кыргызстандык журналисттер үчүн оңой болгон жок. Temirov Live редакциясына тиешеси бар 11 журналист камалып, анын төртөө сотто жаза алды. Мындан сөз эркиндигине байланыштуу бир катар сунуштар айтылып, талаштуу мыйзамдар да кабыл алынды. Бийлик өлкөдө сөз эркиндиги бар экенин айтып келет.
“Бишкек сити” эл аралык ишкердик борборун куруу үчүн түзүлгөн мамлекеттик дирекция жоюлуп, бул милдет Бишкек мэриясына жүктөлдү. Ал арада “Нарын” ресторанынын ордуна салына баштаган ошондой эле “Бишкек сити” деген аталыштагы көп тармактуу комплекстин курулушу да кечеңдеди.
Кыргызстандын футбол боюнча улуттук курама командасынын чабуулчусу Кожо Жоэл "Жылдын мыкты футболчусу" аталды. Бишкекте өткөн KFU Football Awards-2024 аттуу иш-чарада Кожо Жоэлден сырткары бир катар футбочулар, машыктыруучулар сыйланды.
Өлкө боюнча 200гө жакын медреседе жүздөгөн бала окуйт. Соңку жылдары кыргыз өкмөтү медреселерди ирээтке келтирүүгө аракет жасап жатканы менен өспүрүмдөр диний билим алган мекемелерде дагы деле маселе арбын. Медреселерде ким кандай билим алат? Аларды ким каржылап, ким көзөмөлдөйт?
75 жаштагы Гүлира Абдраимакунова абакта жаткан небереси Азамат Ишенбековдун беш жылга кесилгенин уга элек. Апа дагы эле Temirov Live редакциясында иштеген акын небересинин соту бүтө элек деп ойлойт. Ансыз деле Азамат Ишенбеков камалгандан бери ыйлай берип, эки көзү тең көрбөй калган.
Казактын белгилүү акыны Жамбыл айтылуу Тыныбек манасчыны Чүй боорунан кезиктирип, өмүрүндө мындай талантты көрбөгөнүн айткан экен. Кийин анын уулу Актан да өнөрлүү чыгып, манасчы, комузчу жана акын катары таанылган. Тыныбек, Тыныбектен Актан, Актандын кенже уулу Табылды.
Өзгөндүн Куршабында 1920-1930-жылдардагы репрессия курмандыктары жапырт көмүлгөн жайга эстелик орнотулуп, "Кекилик-Учар бейити" деп аталган мемориалдык жай ачылды. Бул жайдын таржымалы жана Кыргызстандын аймагында репрессияда атылган кишилердин сөөгү жапырт көмүлгөн жайлар тууралуу сөз кылабыз.
Өзгөндүн Куршаб айылында 1920-1930-жылдардагы репрессия курмандыктары жапырт көмүлгөн жайга эстелик орнотулуп, "Кекилик-Учар бейити" деп аталган мемориалдык жай ачылды. Кекилик-Учарда катылган сырды жергиликтүү элдеги маалыматтарга таянып, журналисттер, тарыхчылар ачыкка чыгарган.
Өткөн аптада “Клооп” жана журналист Болот Темиров Бишкектеги ири “Мадина” базары жөнүндө биргелешкен иликтөө чыгарган. Анда экс-депутат Турсунтай Салимовдун “Мадина” базары бийликке жакын адамдарга катталган компанияларга өтүп кеткени белгиленген. Президенттик администрация аны четке какты.
Дагы жүктөңүз
