Кыргызстанда ооруканада дарыланган балага ВИЧ-инфекциясы жуккан болушу мүмкүн. Бул тууралуу парламентте депутат Элдар Абакиров билдирип, ага баланын ата-энеси кайрылганын айтты.
10-июндан тартып мыйзамсыз мигранттарды текшерүү башталат. УКМКнын маалыматына ылайык, өлкөдө 5 миңдей мигрант мыйзамсыз жүрөт. Кыргызстанда соңку жылдары Индиядан, Пакистандан, Бангладештен келген эмгек мигранттары көбөйгөн. Алардын көпчүлүгү курулуш, тейлөө жана тигүү цехтеринде эмгектенет.
Бишкек мэриясы Киргизия конушундагы "кызыл сызыкка" чыгып кетти делген үйлөрдүн короолорун буза баштады. Жогорку Кеңеште бир топ депутат Министрлер кабинетин жана жергиликтүү бийликти мыйзамсыз делген курулуштарды бузуу ишинде этият болууга чакырды.
Сиз көп эле жолу Z-мууну же зумерлер деп көп эле угуп жүрсөңүз керек. 1997-жылдан 2010-жылдардын башында төрөлгөндөрдү дал ушундай аташат. Азыркы тапта жаштардын көпчүлүк бөлүгүн төрөлгөн муун коомдун активдүү мүчөлөрүнө айланды.
Асылган, кармалап жиберген, кучактаган, жыттаган же атайын жөөлөгөн жосунсуз жоруктар. Дал ушундай жагымсыз көрүнүштөргө дээрлик ар бир кыз туш болгон. Коомдук транспорттогу ыдыкты кантип токтотуу керек? “Азаттык +” кезектеги чыгарылышында бул тууралуу ачык сүйлөшөбүз.
Бишкектеги көп кабаттуу үйдүн жер төлөсүндө коомдогу күнүмдүк көргөн көйгөйлөрдөн баштап, саясий көрүнүштөрдү сахнага алып чыккан 705 чыгармачыл тобу иштейт. “Азаттык +” ал топтун иши менен жакындан таанышты.
"Азаттык" Кыргызстандын аймактарында эл арасында сурамжылоо жүргүзүп, быйылкы жыл эмнеси менен эсте калды деген собол узатты.
Быйыл “Азаттык +” программасы 20 жашка толду. Бул жылдар аралыгында программа жаштарды түйшөлткөн маселерди талкуулап, жаңы тренддерди, тенденцияларды чагылдырган. “Азаттык +” дагы деле актуалдуубу? 20 жыл аралыгында жаштар берүүсү кандай жолду басып өттү?
Министрлер кабинетинин төрагасы Акылбек Жапаров 16-декабрда кызматтан кетти. Ал "Ынтымак ордодо" президенттик администрациянын кызматкерлери жана өкмөттүн мүчөлөрү менен коштошуп, имараттан чыгып кетти.
Маданият, маалымат, спорт жана жаштар министрлигинин маалыматына ылайык Кыргызстанда 1064 китепкана бар. Бирок азыркы замандын талабына жооп берген саналуу гана китепкана бар. Шаардагы китепканалардын кээ бири жакшыраак шарттарга ээ болсо, айылдардагы китепканалардын абалы дагы деле начар.
Тамакты мыкты жасап, бул өнөрүн бизнеске, рецептин брендге айланткан ашпоздор көбөйдү. “Азаттык+” үй тойго барып дасторкон даярдагандарды, улуттук тамак-ашка жаңы көрк бергендерди көрсөтөт. P.S. Видеону ачка көрүү сунушталбайт.
Казакстандык журналист, документалист, тарыхка байланыштуу “Орусташтыруу”, “Карлаг”, “Желтоксон көтөрүлүшү”, “Конаев доору” сыяктуу даректүү тасмалардын автору Алия Ашим менен “Азаттык+ подкастта” деколонизация, тил, иденттүүлүк жөнүндө сүйлөштүк.
Мурдагы күйөөсүнөн зомбулук көрүп, кулак-мурду кесилген Асел Ногойбаева Москвадан операция жасатып келди. Ал ден соолугу, азыркы жашоо-шарты тууралуу айтып берди. 2023-жылы 20-сентябрда Чүйдүн Селекция айылында 36 жаштагы келин туш болгон окуя коомчулуктун үрөйүн учурган.
2022-жылдын 23-октябрында Кемпир-Абадды коргоо комитетин түзүүнү демилгелеп, Бишкекте чогулган отузга жакын саясатчы, активист “бийликти күч менен басып алууга” айыпталып, камакка алынган. Айыпталгандардын алды жарым жылдан бир жылга дейре абакта жатты.
Бишкек мэриясы студенттердин саат 10дон тарта окуй баштаганы жол тыгынды азайтууга мүмкүнчүлүк берди деп эсептейт. Бирок студенттер өздөрү мындай пикирден алыс. Окуу графигинин өзгөргөнү алардын иштеп, кошумча курстарга баруу мүмкүнчүлүгүнөн ажыратып койгонун айтышат.
Эгемен өлкөнүн эркин жаштары жаш курагы, тармагы ар башка болгону менен, аларды эртеңкиге болгон ишеним бириктирип турат. Азаттык+ бул чыгарылышта өлкөнүн келечектүү делген тармактарындагы жаштар ой-кыялы менен бөлүшөт.
8-10 август аралыгында Ысык-Көл облусунун Тосор айылынын Улуу Үркүн окуясын эскерген кезектеги жөө жүрүш болуп өттү. Аны “Тосор коому” “Эсимде” изилдөө аянтчасы менен биргеликте уюштурган.
Кылыч жөндөө искусствосу катары Байыркы Грецияда пайда болуп, кийин спортко айланган фехтование Кыргызстанда да акырындык менен кулачын жайып келет. Бирок өлкөдөгү олимпиадалык спорттун бул түрү колдоого муктаж.
Соңку жылдары бүтүрүүчүлөр мектепти аяктагандан кийин бир жыл тыныгуу алып, кесип жана окуу жай тандоого көбүрөөк убакыт бөлө баштады. Дүйнөдө кеңири жайылганы менен Кыргызстанда жаңыдан кулачын жайып жаткан бул тенденция Gap year деп аталат. Азаттык+ бүгүн бул көрөнүш тууралуу айтып берет.
8-июнда Кыргызстан жаштар кыймылы түзүлдү. Мамлекет мындай кыймыл аркылуу жаштардын ар кандай саясий күчтөрдүн, партиялардын колундагы курал болуп калышынан сактап, жаштардын ар тараптуу өнүгүүсүнө шарт түзөт деп ишенет.
Дагы жүктөңүз
