Төрт жыл мурда ооруканада дарыланган наристеге ВИЧ инфекциясы жуккан болушу мүмкүн деген маалымат парламентте көтөрүлдү. Саламаттык сактоо министрлиги түзгөн атайын комиссия 600дөн ашык кишини текшерген, бирок инфекциянын булагы алигиче аныктала элек.
26-май күнү Өзгөн районунун Алга айылындагы бүтүрүүчүлөрдүн 20 жылдык кечесинен кийин келин мыкаачылык менен өлтүрүлгөн окуя болду. Алдын ала айтылгандай, кылмышка кызганыч себеп болгон. Күйөөсү жубайын өлтүрүүгө шектелип кармалды. Маркум келиндин артында жашы жете элек беш баласы калды.
Бишкекте Чыңгыз Айтматов проспектисинин боюндагы "кызыл чектен" ашып кеткен делген үйлөрдүн дубалдарын сүрдүрүү тирешке айланып, жергиликтүү тургундар мэрияны сотко берүүгө ниеттенүүдө. Мэр Айбек Жунушалиев бардык иштер мыйзамга жана шаардын башкы планына ылайык жүрүп жатканын билдирди.
Бишкектеги Чыңгыз Айтматов көчөсүндө "кызыл чектен" чыгып кеткен делген үй ээлери сотко даттанышат. Алар мэриянын 26-майдагы чечимин "мыйзамсыз" деп эсептеп, "Жер кодексине" каршы келерин айтышат. Мэр Айбек Жунушалиев бардык иш мыйзамга жана шаардын башкы планына ылайык жүрүп жатканын билдирди.
Мамлекеттик ипотекалык программада мугалимдер жана дарыгерлер үчүн өзүнчө тизме зарылбы? Жогорку Кеңеште айрым депутаттар 50% дароо төлөп ипотекадан батир алып жаткандардын айынан бул кызматкерлерге кезек тийбей, батир алууда кыйналып жатканын айтып чыкты.
Кыргыз-тажик чек арасы расмий ачылганы эки айдан ашса да чек арадагы базарларда соода солгун. Тажикстандын Исфара шаарындагы “Чоркух” базарында мурункудай Кыргызстандан барган кардар байкалбайт. Чек аранын бул тарабындагы “Арка” базарына деле коңшулар сейрек каттайт.
Жыл башынан бери кыргыз базарын Кытайдан келген картөшкө каптады. Ошол эле маалда жергиликтүү дыйкандар өз түшүмүн сата албай, чирип баратканына нааразы. Кыргыз өкмөтү өлкөнүн азык-түлүк коопсуздугу менен атамекендик ишкерлердин кызыкчылыгын кантип коргоп жатат?
Орусиялык Телеграм каналдар Москвадагы “Сахарово” миграциялык борборунда кезекте тургандардын бири тыгылышта тепселип каза тапканын маалымдап, окуянын видеолорун жарыялады. Каза болгон киши Өзбекстандын жараны экени кабарланууда.
Бишкекте жеке клиникада сакал эктирүү үчүн операция жасатып жаткан маалда 30 жаштагы хирург Элдос Турсунбеков күтүүсүз каза болгон. Маркумдун жакындары дарыгер күмөндүү жагдайда көз жумганын айтып, укук коргоо органдарынан окуяны дыкат териштирип берүүнү талап кылууда.
Бишкекте жеке клиникалардын биринде сакал эктирүүнү үчүн операция кылдырып жаткан маалда 30 жаштагы хирург Элдос Турсунбеков күтүүсүз каза болгон. Маркумдун жакындары дарыгер күмөндүү жагдайда көз жумганын айтып, укук коргоо органдарынан дыкат териштирип берүүнү талап кылышат.
Камактагы ишкер Имамидин Ташовдун ишине байланыштуу казак жараны кармалганы белгилүү болду. 31 жаштагы Тараздын тургунунун жакындары ал Ташов менен камактагы активист Тилекмат Куреновдун "каржылык тапшырмаларын аткарып, бийликти басып алуу аракетине көмөктөшкөн" деп айыпталып жатканын айтышты.
“Бийликти күч менен басып алуу” беренеси менен камалган ишкер Имамидин Ташовдун ишине байланыштуу Казакстандын жараны кармалганы белгилүү болду.
Дагы жүктөңүз
